《臨界點》
聽晚美國嘅通脹數據好重要，一定要𥄫實！原因係：因疫情持續窒礙左經濟復甦嘅步伐而形成不同嘅物資短缺，物價飆升，美國嘅CPI早已達標（2%）甚至應該話係超標多時。只係鮑威爾一直唔理，強調通脹只係短暫，好快落返嚟。
觀乎儲局喺上個月嘅議息會議已經微調口風，指通脹可能比原來嘅預期維持多一段時間，如果聽晚嘅CPI有增無減，即等同大巴大巴車落鮑鮑塊面珠登度，儲局公信力不保，市場就會炒加息。屆時金融股就會受捧，科技股就會再冧。
恆指@27000，騰訊（700）@492，大大嘅分水嶺、臨界點！所有嘅嘢，點只係巧合？
🤫
#美國 #通脹數據 #聯儲局 #加息